Chief Minister chuan, huntiam chhunga report fel fai tak in peih hman avangin ka lawm hle a, in report atang hian in thawhrimzia chiang takin a lang a ni, tiin Working Committee on Lengpui Airport te hi lawmthu a lo hrilh a ni.

Committee chairman TBC Lalvenchhunga chuan, sawrkarin huntiam min pek chhungin committee hian report kan peih hman a, Chief Minister hnena hlan erawh chu a zin a lo haw hun remchang nghakin vawiinah kan ruahman ta a ni, a ti.

Working Committee Member Secretary  Vanlaldina Fanai, Commissioner & Secretary, GAD pawhin thusawiin, Working Committee hian Airport enkawl zel dan tur thutlukna a siam lova, thutlukna hi Council of Ministers kuta awm a ni. Committee hi chuan zirchianna a theih anga chipchiarin kan buatsaih a ni, a ti.

Report thehluhnaah hian Lalrohlua, Director, Aviation & Member, Working Committee chuan an zirchian dan presentation a pe a ni.